Haji Amin Kudia S/o Haji Abdul Razzaq Kudia
(Born: 11-5-1955 Died: 18-12-2016)
Rafeeq e Millat Huzur Sayyad Najeeb Miyan Qadri Barkati Maddazillahul-Aali Haji Amin Kudia Ke Liye Dua Farmate Huey…
Gujarat ke shaher Gondal se talluq rakhne wale Haji Amin Kudia apni samaaji aur mazhabi khidmaat ki waja se poore mulk me pahchane jaate hain. Aap ne Deeni madraso’n, masjido’n aur auliyaae kiram ke aastano’n ki tameer me badh chadh kar hissa liya hai. is ke elawa mustahiqo’n ki imdaad aur gareeb sunni muslim bachchiyo’n ki ijtemai-shaadi (samu-lagan) ke mamle me aap ne zabardast misaal qaaim ki hai. Aap ne apne zaati kharch se jo shadiya’n karwai unki tadaad aap ki zindagi me 900 se ziyada ho chuki thi aur aap ke ke baad aap ke beto’n ne is silsile ko jaari rakhte huey is tadaad ko 1500 tak pahoncha diya hai.
Alhamdo-Lillah aap ke 3 bete Haji Gulam Yasin, Haji Ab Qadir aur Haji Iman Apne walid ke nek mission ko achchhi tarah aage badha rahe hain aur mazhab wo millat ki bhalai ke liye musalsal kaam kar rahe hain.
Haji Amin Kudia ki deeni wo samaji khidmaat bahot ziyada hain jin ko ek jaga jama karna mushkil hai. Fi-al-haal kuchh jagho’n ki tasweer niche pesh ki ja rahi hain jin ki tameer ya renovation me aap ka bahot bada hissa raha hai. in Sha Allah Aainda mazeed tafseel pesh ki jae gi.
Bareilly Sharif Me Sayyadna Ala-Hazrat AlaihirRahma Ka Aastaana Aur Masjid e Raza Ki Khoobsoorti (Renovation) Aur Wazoo Khana Wagaira ka intezam Haji Amin Kudia Ki Badaulat Hua Hai.
Bareilly Sharif Me City Qabrastan Jahan Ala-Hazrat Ke Walid, Ala-Hazrat Ke Dada, Huzur Mufti e Azam ke Shahzade Aur Ala-Hazrat Ke Khalifa Maulana Jameelur Rahman Qadri AlaihimurRahma Wagaira Ke Mazaraat Hain. in Sab Ki Jadeed Tameer Haji Amin Kudia Ke Zariye Hui Hai.
Gujarat Ke Shaher Dhari me Marehra Sharif Ke Ek Buzurg Hazrat Sayyad Zahoor Hasan Rahmatullah Alaih Jo Sarkar Ala-Hazrat Ke Peero Murshid Sayyadna Aale Rasool Marehrawi Ke Sahab-zaade Aur Sarkar Mufti e Azam Ke Peero Murshid Ke Walid Hain, in Ke Aastane Ki Mukammal Tameer Haji Amin Kudia Ke Beto’n Ne Karwai Hai.
Sarkar Khwaja Gareeb Nawaz ke Sahab-Zaade Hazrat Sayyad Husamuddin AlaihirRahma Jinka Mazar Ajmer Sharif se 80 Km Door Sambhar Sharif Me Hai, Wahan Aastane Par Dakhil Hone Ka Rasta Bahot Tang (Conjested) Tha. Haji Amin Kudia Ne Wahan Maujood Dookano Ko Badi Raqam Se Khareed Kar Buland Darwaza Banwa Diya.
Shaher indore Ke Qutub Sayyad Nahar Shah WaliAlaihirRahma Ke Aastane Ki Khoobsurti (Renovation)
Masjid e Ala-Hazrat Malegaon Ki Tameer
Masjid e Ala-Hazrat Malegaon
Sunni Muslim Ladkiyo’n Ki Free ijtemai Shadi (Samu Lagan)
Shaadi Biyah Aur Deegar Taqreebat Ke Liye
Gondal Gujarat Me Haji Amin Kudia Hall
Gareebo’n Ke Liye Pani Ka Tank, Water Cooler, Qabrastan Wagaira Me Bench
(Gondal, Gujarat)
Kya Aap Ne Haji Amin Kudia Ke Baare Me Padha?
Aap Apna Tassur (Paigam) Dijiye.
Sab Se Pahle Hamara Number
Save Kijiye:-
(+91) 78876–786–11
Ab Aap Apna WhatsApp Number Dijiye Aur Apna Feedback Ya Tassur Likhiye…
❤🌻💐👉REQUEST👈💐🌻❤
Hum Aap Se Guzarish Karte Hain Ke Niche Ka Button Daba Kar Kum Se Kum 5 Group Me Hamara Message Zarur Share Karen:-